Soch terisi pilingi (Scalp peeling) — bu soch terisining yuqori qotib qolgan teri qatlamini tozalash usuli bo‘lib, yog‘ bezlari faoliyat mahsulotlarini, epidermisning yuzaki qatlamlarini yo‘qotish va terining tiklanish jarayonlarini rag‘batlantirish maqsadida amalga oshiriladi.
Soch terisi pilingining asosiy vazifasi — terini chuqur tozalash, o‘lik teri hujayralari, ortiqcha yog‘, shuningdek soch va teri yuzasida to‘planib qoladigan kosmetik mahsulot qoldiqlarini olib tashlashdir.
Soch terisi pilingining turlari:
- Kimyoviy piling. Turli kislotalar yoki ferment eritmalaridan turli konsentratsiyalarda foydalanishga asoslangan. Kimyoviy piling tarkibida eng ko‘p salitsil kislotasi, glikol kislotasi, piruvik kislotasi va sut kislotasi qo‘llaniladi.
- Ultratovushli piling. Bu usul soch terisiga 800–3000 Gs chastotadagi ultratovushli to‘lqinlar bilan apparat ta’sirini beradi. Ultratovush to‘lqinlari metabolizm jarayonlarini yaxshilaydi, qon tomirlarini tonusini oshiradi, soch follikulalarining metabolizmini faollashtiradi, yallig‘lanish va qichishni kamaytiradi.
Qo‘llash ko‘rsatmalari: soch to‘kilishini davolash, bosh terisida qichishish, yallig‘lanish, teri toshmasi, follikulit, soch o‘sishini rag‘batlantirishdan oldingi tayyorgarlik bosqichi.
Qarshi ko‘rsatmalar: preparatga shaxsiy chidamsizlik, virusli va bakterial infeksiyalar, yomon sifatli o‘sma, bosh terisining quruq va yupqa bo‘lishi, teri shikastlanishi.

