Вена ичига лазер нурлари билан қон нурлантириш  — бу қон таркибини тузатиш (гемокоррекция) усули бўлиб, оптик нурланиш квантлари билан қоннинг тўғридан-тўғри таъсирланишига асосланади.

Лазерли нурлантириш қон томир ичига (вена ичига) бажарилади — бир марталик ёруғлик ўтказгич (световод) венага киритилади. Клиник таъсир одатда 5–10 сеансдан иборат даволаш курси охирига келиб юзага чиқади (ҳар бир сеанс 20–30 дақиқа давом этади) ва бир неча ой давомида сақланиб қолади. Касаллик оғир бўлган ҳолатларда 2–3 ойда қайта даволаш курси ўтказилиши мумкин.

Даволовчи таъсири қуйидагилар билан изоҳланади:

  • Бактерицид (микробларни йўқотувчи);

  • Яллиғланишга қарши;

  • Микроциркуляцияни яхшилаш;

  • Қоннинг кислород ташиш имкониятини ошириш ва тўқималарни кислород билан таъминлашни яхшилаш;

  • Қайта тикланиш (регенерация) ва моддалар алмашинувини рағбатлантириш;

  • Иммун тизимини мувозанатлаш ва рағбатлантириш;

  • Қон ҳосил бўлишини ва эритроцитлар (қизил қон ҳужайралари) фаолиятини яхшилаш.

 қуйидаги мақсадларда қўлланилади:

  • Оғриқни камайтирувчи;

  • Антиоксидант;

  • Аллергияга қарши;

  • Биостимулятор;

  • Иммунитетни рағбатлантирувчи;

  • Детоксикацияловчи;

  • Қон томирларини кенгайтирувчи;

  • Аритмияга қарши;

  • Бактерияларга қарши;

  • Гипоксияга (кислород етишмовчилигига) қарши;

  • Шишларни камайтирувчи;

  • Яллиғланишга қарши восита сифатида.

ВЛОК учун кўрсатмалар:

Тери касалликлари: атопик дерматит, псориаз, геморрагик васкулит, қизил ясси темиратки, витилиго, аллергик дерматитлар, герпес, фурункулёз, пиодермия ва бошқа вирусли ёки бактериал тери зарарланишлари.

Урологик касалликлар: ўткир ва сурункали простатит, пиелонефрит, цистит, уретрит, энурез билан кечувчи пуфак функцияси бузилиши, уретра торайиши, гломерулонефрит, сурункали буйрак етишмовчилиги, эркакларда жинсий муаммолар.

Гинекологик касалликлар: бачадон ва унинг қўшимчалари яллиғланиши, инфильтратли ўсмалалар, беспуштлик (инфекцион ёки ёпишмалар билан боғлиқ), эмизикли аёлларда кўкрак бези касалликлари, лактацияни рағбатлантириш, тухумдонлар, буйрак усти, қалқонсимон ва сут безларига тонус бериш, ҳомиладорликда плацентар етишмовчилик профилактикаси.

Терапик касалликлар: ўткир ва сурункали бронхит, пневмония, астматик бронхит, бронхиал астма, юрак ишемик касаллиги (ИЮК), стенокардия, юрак аритмияси, меъда ва 12 бармоқли ичак яра касаллиги, гастрит, гастродуоденит, холецистопанкреатит, жигар циррози, яллиғланиш билан кечувчи бўғим касалликлари.

Қўллаш мумкин бўлмаган ҳолатлар:

  • Тўхтамаган қон кетиш ёки унинг хавфи;

  • Порфирия ва пеллагра касалликлари;

  • Қуёш нурларига сезувчанлик (фотодерматозлар);

  • Эпилепсия;

  • Гипертоник криз (кескин босим кўтарилиши);

  • Гипогликемия (қонда шакар камайиши) ёки унга мойиллик;

  • Олинган гемолитик анемиялар;

  • Оғир сепсис ҳолатлари;

  • Кучли артериал паст босим (гипотония).

ВЛОК усули ҳар қандай ёшдаги беморлар учун қўлланилиши мумкин. Ҳомиладорлик ва эмизиш даври қарши кўрсатма эмас. Даволаш пайтида беморлар томонидан яхши кўрилади ва олдиндан тайёргарликни талаб қилмайди.